Kalam Dar Shan Sultan-ul-Ashiqeen اگر کسی کا نفس سرکش

اگر کسی کا نفس سرکش ہو اور شیطان کی طرح ہوا میں غرق ہو کر اللہ کا مخالف ہو، کسی بھی طرح کا علاج کرنے سے گناہوں سے باز نہ آتا ہو اور اللہ کی طرف رجوع نہ کرتا ہو، بہت زیادہ غفلت کی وجہ سے اس کا دل مردہ ہو چکا ہو اور شیطان کی قید میں پھنس کر زندہ نہ رہا ہو اور اس کے قلب میں اسم اللہ ذات کا ذکر بھی تاثیر نہ کرتا ہو، وہ غریب ، مظلوم، عاجز، محتاج اور پریشان ہو، دنیاوی روزگار کے غم میں نڈھال ہو کر ہلاک ہو چکا ہو، زیادہ اولاد کی وجہ سے مستحق ہو، اس کے حالات بہت ہی کمزور ہوں ، اس کے پاس کوئی طاقت اور قوت باقی نہ رہی ہو، وہ فقر وفاقہ سے گزر اوقات کرتا ہو تو اسے چاہیے کہ اس کتاب ، جس میں دین اور دنیا کے تمام خزانے موجود ہیں، سے ظاہری اور باطنی خزانوں کو معلوم کرے تا کہ مخلوق اس کی خادم اور وہ ان پر مخدوم بن جائے ۔

گنج دین سلطان العارفین حضرت سخی سلطان باھو رحمتہ اللہ علیہ کی نایاب تصنیت مبارکہ ہے جس میں آپ رحمتہ اللہ علیہ نے مرشد کامل اکمل کی اہمیت اور اس سے حاصل ہونے والے اسم الله ذات کے فیوض و برکات کو نہایت خوبصورت انداز میں بیان کیا ہے ۔ دین کی حقیقت کو سمجھنے میں یہ کتاب اہم کردار ادا کرتی ہے ۔

گنج الاسرار بر صغیر کے نامور صوفی بزرگ سلطان العارفین حضرت سخی سلطان باھو رحمتہ اللہ علیہ کی تصنیف مبارکہ ہے ۔ جیسا کہ نام سے ظاہر ہے کہ اس کتاب میں اسرار الہی کے خزانے میں کیونکہ اس کتاب میں آپ رحمتہ اللہ علیہ نے سلسلہ قادری کے فقیر کامل کی شان اور اس سلسلہ کے طریقہ کار کو بیان فرمایا ہے اور واضح طور پر بتادیا ہے کہ یہ کتاب سید ناشیخ عبد القادر جیلانی رضی اللہ عنہ کے نقطہ نظر سے تحریر کی گئی ہے۔ اس کتاب میں بیان کردہ معرفت کے اسرار قرآن وحدیث کے عین مطابق ہیں جو مقام فنافی اللہ کی انتہا تک کے ہر مقام اور منزل پر طالب کی راہنمائی کرتے ہیں چاہے وہ ابتدائی مقام پر ہو، متوسط یا انتہائی مقام پر۔

یہ تصنیف علم معجزات سے منور اور اسرار الہی کا پُریقین اور با اعتبار اظہار ہے۔ اکثر بزرگوں اور مصنفین کی تصانیف الہامی ہوتی ہیں لیکن اس فقیر کی تصانیف قرب الٰہی اور مجلسِ محمدی صلی اللہ علیہ وآلہ وسلم کی حضوری سے مشرف ہو کر لکھی گئی ہیں۔ اس کتاب کا مطالعہ کم بخت اور بد قسمت کو نیک بخت اور خوش قسمت بنا دیتا ہے۔ جو طالب شب و روز اس کا مطالعہ کرتا ہے وہ اللہ بس ماسوئی اللہ ہوس کے مرتبہ پر پہنچ جاتا ہے۔

Kalam Dar Shan Sultan-ul-Ashiqeen اگر کسی کا نفس سرکش